Addysg Gynnar ac Ymarfer Proffesiynol gydag SYBC (Dwyieithog) BA (Hons)

Gweithio gyda phlant o’u genedigaeth hyd at wyth oed a’u teuluoedd.<br/><br/>Ar y radd hon, byddwch yn dod yn ymarferydd blynyddoedd cynnar medrus iawn. Byddwch yn ennill Statws Ymarferydd Blynyddoedd Cynnar (SYBC) cymwysedig, gan ennill profiad seiliedig ar waith ymarferol wedi’i gyfuno â gwybodaeth ddamcaniaethol a pholisi sy’n ofynnol ar gyfer ymarfer effeithiol yn y blynyddoedd cynnar, gan gynnwys rheoli lleoliadau blynyddoedd cynnar.<br/><br/>Rydym yn cynnig rhaglen radd BA (Anrh) arloesol mewn Addysg Blynyddoedd Cynnar ac Ymarfer Proffesiynol sy’n cynnig ystod amrywiol o fodiwlau ymarfer a theori perthnasol.<br/><br/>Elfen sylfaenol o’r radd arloesol hon yw’r profiad ymarferol wedi’i asesu y byddwch yn ei gwblhau er mwyn ennill SYBC. Mae hyn yn cynnwys lleoliad yn ystod pob blwyddyn o astudio mewn amrywiaeth o leoliadau perthnasol megis ystafelloedd dosbarth y Cyfnod Sylfaen, meithrinfeydd preifat, canolfannau plant ac ysgolion cynradd.<br/><br/>Byddwch yn treulio amser yn ein darpariaeth Ysgol Goedwig ar y campws, lle byddwchyn gallu cael profiad uniongyrchol o gyfleoedd dysgu awyr agored i blant y blynyddoeddcynnar. Wrth gwblhaur radd, byddwch hefyd yn gallu cyflawni cymwysterau ychwanegol, gan wella eich sgiliau cyflogadwyedd. Dymar Wobr Lefel 2 Chwarae Cymru mewn Ymarfer Gwaith Chwarae (L2APP) ar Dystysgrif Lefel 5 mewn Arweinyddiaeth a Rheolaeth syn cael ei chymeradwyo gan y Sefydliad Arweinyddiaeth a Rheolaeth.<br/><br/>Yn ystod y radd, cewch eich addysgu gan academyddion gweithgar ym maes ymchwil ac arbenigwyr blynyddoedd cynnar, gan gynnwys darlithwyr gwadd o leoliadau cysylltiedig, megis Chwarae Cymru a Tŷ Hafan, i ddarparu cyfleoedd addysgu a dysgu ychwanegol.<br/><br/>Trwy ennill gradd sydd ar flaen y gad o ran newidiadau yn y sector, bydd eich cymhwyster yn cael ei werthfawrogi’n fawr gan ddarpar gyflogwyr yn y maes hwn. Mae’r radd hon hefyd yn darparu sylfeini cadarn ar gyfer ystod o yrfaoedd cysylltiedig fel gwaith cymorth i deuluoedd, iechyd a gofal cymdeithasol a gwaith cymunedol.<br/><br/>Mae dau lwybr astudio ar gael:<br/><br/><br/>- BA (Hons) Early Years Education and Professional Practice with Early Years Practitioner Status (EYPS)<br/><br/><br/>- BA (Anrh) Addysg Gynnar ac Ymarfer Proffesiynol gydag SYBC (Dwyieithog)<br/>